爹地開始每日輕輕提醒
在家千日好，想玩便玩
小朋友都不想上學在抗議
我也借機報告明天晚上上學的事
豆豆問: 媽咪, 你咁大個都仲要返學?
我: 係呀, 媽咪都要學習新知識架, 我都想叻啲學多啲野架
晚上功課時間
又要花盡九牛二虎之力
才勉強畫了幾幅圖畫
中間也神遊了十萬八千次
我看到自己小時候的影子
為什麼小孩子這麼小就打從心底不喜歡做功課?
是因為其他事情太吸引
今天早上抱著豆豆慢慢和他說
其實爸爸媽媽返工都有啲難處理既工作
我地心裡面有時都會想逃避
但遇到難題, 挑戰
我地可以動動腦筋 想想辦法
可以問下其他人
豆豆接著說, 可以係電腦搵下
我話: 係啦, 同埋可以睇下書, 參考下點樣做
當完成了工作
我地都會開心
覺得自己有能力做到
又叻左少少
老師俾既功課
一定係小朋友有能力做到既
有時可能有少少難度
考下小朋友
但小朋友可以完成到
又會覺得好開心 又進步左少少
我地每個人其實每日都會有少少進步 每日都成長少少
好似我地既頭髮 每日都會靜靜地長長少少
唔會突然間一朝訓醒就長左好多
BB每日叻少少 慢慢長大
爸爸媽媽都係由BB成長至大人
雖然我地依家識好多字
但我地BB個時都係一個字都唔識
都係每日識多少少而累積番黎
咁就可以睇好多自己想睇既書
我明白要小朋友覺得做功課係樂趣實在係一件好難既事
要建立一個向上既動力亦非易事
唯有慢慢落藥
俾佢見到自己既成功
望到自己想去既地方
自己心目中的星星
就會有方向 有動力
