柔柔姐姐& Norris哥哥生日會

好開心

我地今日又去生日會玩

今日去一個觀塘工廠大樓既地方

叫Sun mama's Garden

其實我覺得真係幾適合細小朋友去玩

地下有地墊, 有玩具

我地book左間房

仲有波波池同滑梯

又有豬仔車

大人可以坐沙發

又有小童枱凳
呢張相影得豆豆好可愛

爸爸好好

全程陪玩

媽媽我樂得坐低同一班C9傾計

話明係生日會

我地當然有預備禮物啦

但因為仲有其他小朋友

如果只係得生日小朋友有禮物

其他個啲可能會眼紅啊

所以我地預備左每人一份禮物

hehe~~

豆豆幫手送禮物

0.玩玩下要捉佢地影相其實好難

生日快樂呀柔柔, Norris

豆豆今日食左好多野

除左生日蛋糕

媽媽我帶左麵包同餅餅

呢期塔斯曼尼亞車厘子當造

媽媽我買左兩磅去一齊食

柔柔媽買左個金柚去哂皮啖啖肉

又預備左粟米

所以下午茶餐奶我都無帶去啦

以免豆豆食得太飽

小朋友們開餐啦

3:00-6:00

玩完走既時候豆豆無哂電

坐車全程訓左

差唔多8:00起左身

原本以為可以一覺訓到天光

點知唔得

結果又同爸爸媽媽一齊食飯

所以話呢

小朋友真係好開心

玩同食就已經好滿足

表哥的生日爬地

今日好忙碌

上午媽媽要去做小小馬既結構檢查

下午又要同豆豆返playgroup

之後再去表哥仔2歲生日爬地

真係諗到都覺得忙

媽媽我呢胎好明顯係無上一胎時咁無知

亦都無上一胎時咁多擔心

今日結構檢查亦都好順利

小小馬好合作

半小時就okay啦!

我地仲有時間食個早餐先返屋企

開始我地下午風風火火既節目啦

返完playgroup其實豆豆好攰

不過因為坐地鐵

豆豆只係瞓左半個鐘左右就醒

去到表哥仔生日會場

當然唔會再瞓啦

仲好開心走黎走去添

表哥仔生日會係動物主題

個banner好靚呀

不過媽媽未換手機同時又要顧住豆豆所以無影相

個生日蛋糕都好靚靚呀

而且仲好好味添喎

豆豆當然追食唔停啦

姨媽好有心思

諗過啲活動俾小朋友玩

一去到做左個動物樣既生日帽小手工

可惜豆豆唔肯戴

之後又有一個貼眼耳口鼻既玩意

但豆豆鐘意生日會外既花園度走走走無玩到

之後就係呢個"筆"雞蛋遊戲

呢啲豆豆最鐘意

playgroup老師都話豆豆最鐘意busy work

不過小朋友拎匙羮仲會有少少左搖右擺

所以媽媽都係出手相助啦, hehe

我地又食又玩到差唔多8點先走

未上車豆豆已經攰到暈左啦, 哈哈

返到屋企媽媽我輕輕手幫佢換衫換片抹手抹面抹牙仔

夜晚餐奶都唔使俾