靜而後能定 定而後能安

為咗令momo唔好少少事就發脾氣

我真係要學識先控制好自己脾氣

相輔相成 無限循環

佢發顛我就更發顛

結果兩敗俱傷

今晚我先叫自己冷靜

化解了一場災難

刷牙時間

呢排momo鐘意自己斟水整牙膏

姐姐快手斟左水

佢就開始扭話唔得, 要自己斟

初時我話, 姐姐斟左啦, 你想斟聽日早啲講啦

佢聽到我咁既回應, 咪行動升級囉

我再諗一諗, 問佢

係好想自己斟水, 係咪呀?

佢無再大叫, 點點頭

我再問佢

但係依家斟左水啦喎, 點算好呀?

佢好努力咁係度諗我講既野, 其實佢都唔知點算好

我再話

不如你自己落牙膏啦

佢當然未會咁易放棄

唔好, 我要自己斟水

我又再同佢重複

你想自己斟水呀? 但依家已經斟左水啦喎, 杯水點好呢?

佢又係度諗...

來來回回幾轉, 佢退而求其次

我要媽咪同我整牙膏

當然無問題呀仔

你唔扭就得架啦!

上帝的時間

最近M&M的情緒波動很大

我和K先生都已經無力了

本來EQ低的我現在更低

不可以再繼續這樣下去

於是我決定在毛毛發脾氣的時間先由得他發

不會抱他

等到他知道要停下來

用說話向我表達需要時

我才會給予

節制

是需要學習的

至於豆豆

就要更平靜

用百般的愛去令佢明白

用身同感受

其實他心底裡非常善良

只是孩子都不會表達自己

慢慢和他說

冷靜 是可以做到的

我要先學自己沉得住氣

好在每晚都會同M&M祈禱

豆豆都會提我

有時豆豆會參與祈禱內容

最近好多時我都會求天父教導小朋友成為主鐘意的人

佢地心入面都知道

希望佢地都會努力

同埋 天父會聽每一個微小的祈禱

momo仲會自己一個時講

親愛的天父, 感謝你.....

豆豆又好鐘意小天使之歌

一聽到就好開心咁唱

momo聽得幾次就記得啲

雖然唔係全首記得哂

不過都跟到

願天父都喜歡你地既歌聲

Gentle Baby的威力?

和小小孩剪頭髮是一項大任務

我家小孩在2歲前剪頭髮都如臨大敵

哥哥比較易氹

有吃的和電視已經可以安撫下來

細佬仔比較敏感

幾次剪頭髮都要用力抱實

喊到肝腸寸斷

媽媽和髮型師其實都於心不忍

毛豬大個啲開始明白事理

哥哥亦有講下

有一晚毛豬臨訓前同我講

去剪頭髮, 睇Peppa Pig

好似真係知道黎緊會發生咩事

到咗今日去剪頭髮

臨出門口前

我突然諗起

不如試下用Gentle Baby

於是係頭頂滴一滴, 再按摩一下就出門口

坐下車, 45分鐘左右去到剪頭髮

初初著衫時都好緊張

要抱到實

不過見到媽咪都有著到

佢都肯乖乖著袍

雖然唔肯坐豬仔剪

但媽媽抱住, 睇住Peppa Pig

今次一下都無減過

連哥哥都笑住話

"哦, 佢無喊喎"

媽媽我都諗唔清

係毛豬大個仔, 知道剪頭髮係咩既一回事

定係Gentle Baby可以安撫到佢既情緒?

總之, 佢可以安安定定剪到頭髮

媽媽就覺得好安樂啦~

母源流感抗體研究

之前陀住毛仔去健康院
有個姑娘話港大兒科做緊一個母源流感抗體既研究
對母乳餵哺既媽媽同BB做研究
會係BB出世之後收集臍帶血
之後如果BB有上呼吸道感染的話
例如發燒、咳嗽或流鼻水等症狀
就通知佢地黎收集分泌
佢地會係2017年將研究結果話番俾研究對象知

星期一見毛仔只係發燒無其他野
我都心大心細唔知通唔通知佢地好
到左尋日(27/8)
姐姐話毛仔有鼻水
又訓得唔好
聽佢啲聲唔算好嚴重
不過我諗係鼻水倒流搞到佢唔舒服訓得唔好
今日試下聯絡佢地啦
雖然我唔係好想毛仔病仲有人黎搞佢
不過如果研究出黎係有正面影響力既話
咁毛仔都會做貢獻左佢自己
出左一分力

今次豆豆病
毛仔又病
我都作病
爹D同姐姐都病

其實我相信咁既情況會係豆豆返左N班之後經常發生
希望大人有多啲愛心耐性忍耐力
加強自己身體抵抗力啦
小朋友未接觸過咁多細菌
返學病係好正常
希望豆豆都叻叻仔
唔好病得咁密啦
媽媽我會好心痛

毛仔報到 (上)

遲左幾個月先寫番毛仔出世
實在太多野做啦
未返工固然無時間
返左工都好多野忙
但已經三個幾月啦
再唔寫就唔記得
哈哈

2015年5月26日
零晨03:15我覺得個肚俾人伸左一腳
好大力
但無理由架
雖然豆豆訓左上大床
但係我係背住佢訓架喎
慢慢再清醒少少
就覺得有啲唔對路
應該係關肚入面個個事

好快
差不多5分鐘左右
又有一下痛
我感覺到下面有啲流動
入洗手間睇下
見紅啦

我係度諗
好唔好沖個涼先呢
呢個時候就穿水啦
叫醒K先生
話佢知我情況
佢問我咁應該點好
我都係快手去沖個涼先
唔知點解開住冷氣都周身汗
叫佢都起身預備下
但我已經唔可以舒舒服服咁慢慢沖啦
因為我好怕下一次宮縮個時佢又流
我只係係咁E沖沖水
但都唔夠佢快
抹身時又黎一下
都真係幾驚
同上次生豆豆時唔同
上次無咁樣流法
而且越黎越痛
又快又急
我換好衫就坐左係梳化
等K先生安排

佢叫醒姐姐吩咐一下
我地就拎走路袋出門口啦
呢個時候我已經舉步維艱
落到街
竟然一架車都無
當然啦
零晨3-4點無車係好正常
好在等左唔算好耐就有架的士
的士開得好快
可能司機知我趕住去生BB (笑)

去到醫院
我感覺已經差不多一兩分鐘痛一次
由的士站行去電梯大堂
由大堂口行入電梯
出左電梯行到去病房門口
我已經要站站停
個心好驚
有啲想喊既感覺

入去坐低登記已經痛左兩次
姑娘見我咁既款
叫我唔痛就好即刻過對面訓上床俾佢檢查
仲同K先生講快啲去交錢快啲返
我痛到咁隨時生得
係床上姑娘幫我手探
(其實真係覺得呢個手探環節好痛苦)
原來已經開到8度啦
佢地都即刻打電話叫對面產房預備
就叫我上輪椅送我過去
好在K先生呢個時候返黎
老公係女人生仔既時候真係好重要
你見到佢
真係覺得係好大支持

老公係入產房前send msg俾我爸媽
呢個時候只係04:40
05:01毛仔出世啦
3.775kg, 51cm高