媽媽的小情人

好多人都話

自從小朋友出世以後

情人的位置已經被取代

很多生女既朋友都話

老公對女兒既一往情深

實在讓她們恨得牙癢癢

老婆既地位已經不知排到那裡去

好在

我生既係仔

所以豆豆係我既小情人

不過呢個小情人確實要俾足100分

依家會講野

除左成日媽媽、媽媽咁叫你

對住你甜笑

鐘意拖位你周屋走

最大的殺手鐧係每晚陪訓時上演

呢個小朋友一定要捉住你隻手先訓

有時又會同你面貼面

額頭貼額頭

有時仲會用雙手捧住你面

再輕輕拍拍

你話唔係情人係乜?!

媽媽當然冧到暈

今日情人節

我地都無計劃有咩節目

都打算好似平時假日咁過

無諗過老公好識做

同豆豆出去時買左支花

俾豆豆拎返黎俾我

我咁大個女第一次情人節收花啊

(一向都覺得情人節啲花賣都咁貴實在唔值)

係我個小情人送俾我架~~

多謝~~

今日另一個驚喜

去超巿買餸時見到美國長柄士多啤梨

對呢期買開100蚊得9粒既日本福岡/ 長崎既士多啤梨

真係抵買好多

已經覺得好開心

點知返到屋企

發現......

噢, 心型士多啤梨啊~~

不過媽媽我無為意

最後呢粒士多啤梨無留俾大情人食

俾小情人食左

呵呵呵